Broja përballë shansit të fundit te Burnley: Do shohim cili plan është më i miri

Armando Broja mund të ketë një rast të rëndësishëm për të rikthyer pozita e tij në skuadrën e Burnley, por kjo nuk do të ndodhë për shkak të zgjedhjes së trajnerit, por nga mungesa e alternativave në repartin ofensiv. Dëmtimi i Jamie Vardyt i ka hapur një mundësi për sulmuesin shqiptar, i cili mund të ketë një nga rastet më të rendesishme për të ndryshuar pozita e tij në skuadrë.

Vardy po përballët shqetësimet për shpinën e tij, një shqetësim që e ka detyruar edhe më parë të ndërprejë aktivitetin. Por kjo situata është më e komplikuar për Burnley, pasi edhe Larssen dhe Amduni kanë probleme fizike.

Trajneri Nicky Hayen ka mbetur me Brojën dhe Huntonxhi si alternativat kryesore për sulmin, çka e vendos shqiptarin në pozita të favorshme për të nisur ndeshjen nga minuta e parë. Megjithatë, kjo mundësi vjen në një moment delikat për Brojën. Afrimi i Vardyt dhe pesha që sulmuesi anglez po merr në skuadrë ia ka vështirësuar konkurrencën shqiptarit. Një paraqitje bindëse ndaj Lincoln mund të japë argumente për të kërkuar më shumë minuta, ndërsa një tjetër rast i pashfrytëzuar mund ta lërë sërish në stol.

Vetë trajneri Hayen nuk ka konfirmuar formacionin dhe ka lënë të hapur edhe mundësinë e ndryshimit të skemes së lojës. “Ne kemi opsione dhe do të shohim se cili është më i miri. Kjo mund të nënkuptojë edhe ndryshimin e strukturës së skuadrës. Na duhen pikë dhe duhet të gjejmë planin më të mirë për të marrë ato ndaj Lincoln”, deklaroi Hayen.

Për Brojën, dilema nuk është vetëm nëse do të luajë titullar ndaj Lincoln, por nëse do të arrijë ta shfrytëzojë këtë mundësi për të ndryshuar hierarkinë e sulmit të Burnley. Dëmtimet mund t’i sigurojnë vendin në formacion për një ndeshje, por vazhdimësinë duhet ta fitojë me paraqitjen e tij në fushë.