Protesta e PD: 1500 policë në terren, autobotë me ujë pranë Kryeministrisë
Protesta e Partisë Demokratike, e lajmëruar për orën 12:00, është e mbështetur nga 1500 efektivë policë në terren.
Gazetari Eni Ferhati bëri me dije se 1500 efektivë policë janë dislokuar në terren për mbarëvajtjen e protestës e lajmëruar nga PD që pritet të nisë në orën 12:00. Rreth Kryeministrisë janë vendosur edhe disa autobote me ujë që pritet të përdoren kundër protestuesve nëse do të ketë akte dhune. Bëhet me dije se Kryeministri Edi Rama ndodhet në zyrën e tij në ambientet e Kryeministrisë, ndërsa ftesa e tij e pestë për dialog është refuzuar sërish, pasi disa protestues kanë hequr jastëkët e vendosur jashtë godinë së qeverisë dhe letrat me mbishkrimin dialog. Rreth orës 14:00 pritet të nisë edhe protesta e studentëve para Ministrisë së Arsimit, të cilëve do t’u bashkohen edhe pedagogët.