Tedi Blushi: Qytetarët nuk kanë më besim te institucionet shtetërore

Sekretari i Përgjithshëm i Partisë së Lirisë, Tedi Blushi, ka folur nga bulevardi "Dëshmorët e Kombit", ku përfaqësues të opozitës janë bashkuar protestat studentore. Ai u shpreh se qytetarët kanë humbur besimin tek institucionet shtetërore dhe se kjo është një nga arsyet që i ka nxjerrë në protesta.

Gjatë prononcimit të tij, Blushi theksoi se opozita ka qenë prej kohësh në shesh dhe se pjesëmarrja në tubimin e sotëm është në mbështetje të studentëve. Ai iu referua gjithashtu deklaratës së bërë një ditë më parë nga studenti i ekselencës, Jon Sinoimeri, duke vëçuar shqetësimin e ngritur prej tij për mungesën e besimit tek institucionet shtetërore.

Sipas Blushit, deklarata e studentit është tregues i situatës në të cilën ndodhen institucionet dhe i pakënaqësisë së qytetarëve ndaj tyre. "Opozita ka qenë në shesh prej kohësh. Ashtu siç jemi sot në mbështetje të studentëve. Por dua të vëçoj akuzën e rendë që bëri dje studenti i ekselencës, Jon Sinoimeri, kuza me e rendë e tij nuk ishte shpifja e Ramës, por ajo se ai tha nuk denoncoj sepse nuk kam besim tek institucionet shtetërore. Pra, ku institucionet e shtetit kanë rënë dhe qytetarët nuk kanë më besim tek to, populli del në rrugë", tha Blushi.