Rama sulmon PD-në: Mëma e dhunës, sot doli për të drejtën e autorit të terrorit urban

Kryeministri Edi Rama ka sulmuar Partinë Demokratike përmes një reagimi në rrjetet sociale, duke e cilësuar atë si "mëma e dhunës". Në një postim në Facebook, Rama akuzon PD-në se ka nxitur dhe mbështetur akte dhunë dhe shkatërrimi në Tiranë, duke iu referuar personave që sipas tij u paraqitën si studentë dhe grupeve të tjera që ai i cilëson si dhunues.

"Ja edhe mëma e dhunës, Partia Demokratike, që pasi dogji e shkatërroi me maskat e kinse 'studentëve' bashkë me ANTIFA dhe me dhunuesit e të Tiranës, doli sot për të drejtën e autorit të terrorit urban", shkruan Rama në reagimin e tij.

Deklarata e kryeministrit vjen pasi kreu i PD nxori deputetët e tij në protestë, ndërsa këta të fundit kanë deklaruar hapur që nuk i duan të pranishëm.