Protestuesit vënë flakën Ministrisë së Bujqësisë, përsëri përplasen me policinë
Protestuesit kanë vënë flakën Ministrisë së Bujqësisë, ndërsa tensionet dhe përplasjet me forcat e policisë vazhdojnë në disa zona të Tiranës.
Protestuesit i kanë vënë flakën Ministrisë së Bujqësisë, ndërsa tensionet dhe përplasjet me forcat e policisë vijojnë në disa zona të kryeqytetit. Pas përplasjeve para Kryeministrisë, protestuesit janë shpërndarë në rrugë të ndryshme të Tiranës, ndërsa policia po përdor gaz lotsjellës dhe autobotë me ujë për t'i zbrapsur.
Më herët, protestuesit kanë hedhur gurë dhe molotovë drejt Kryeministrisë, ndërsa në zonën e “21 Dhjetorit” u dogjën kosha mbeturinash në mes të rrugës, duke bllokuar qarkullimin e automjeteve.
Forcat e rendit janë dislokuar në disa pikë të kryeqytetit, duke vijuar ndërhyrjet për shpërndarjen e grupeve të protestuesve.
Protesta kombëtare, e cila nisi në orën 14:00, shënon ditën e 12-të të mobilizimit studentor dhe qytetar. Ende nuk ka një bilanc zyrtar për dëmet e shkaktuara nga zjarri në Ministrinë e Bujqësisë apo për persona të lënduar.