Aktualitet
Partizani përforcohet në mbrojtje me Aleksandar Joviçiç
Partizani ka zyrtarizuar afrimin e qendërmbrojtësit boshnjak Aleksandar Joviçiç, i cili ka firmosur një kontratë 1 vjeçare me të kuqtë.
Partizani vijon përforcimin e skuadrës për sezonin e ri, teksa ka zyrtarizuar afrimin e qendërmbrojtësit boshnjak Aleksandar Joviçiç. Mbrojtësi 31-vjeçar ka firmosur një kontratë 1 vjeçare me të kuqtë, duke u bërë pjesë e projektit të kryeqytetasve pas eksperiencës së fundit në kampionatin hungarez me Kisvárda FC.
Gjatë karrierës së tij, Joviçiç ka regjistruar eksperienca në kampionatin boshnjak me klube si Borac, Rudar Prijedor dhe Krupa, si dhe në kampionatin kroat, ku ka luajtur te Slaven Belupo, NK Istra dhe HNK Gorica.