Protestuesit hedhin fishekzjarrësh në drejtim të policisë, efektivët përdorën gaz lotsjellës

Protestuesit kanë hedhur një numër të madh fishekzjarrësh në drejtim të policisë në Tiranë, gjatë përplasjeve që kanë ndodhur në qytet. Efektivët kanë përdorur gaz lotsjellës për të shpërndarë turmën dhe të krijojnë një distancë midis tyre dhe protestuesve.

Situata mbetet e tensionuar, ndërsa hedhja e lëndëve piroteknike dhe përdorimi i gazit lotsjellës kanë shoqëruar protestën. Më herët, gjatë përplasjeve është raportuar edhe për një protestues të lënduar, i cili dyshohet se është goditur me plumb gome dhe është larguar nga zona i shoqëruar nga shokët e tij.