Protesta në Tiranë mbyllet, 13 të lënduar dhe disa persona të shoqëruar

Protesta në Tiranë është mbyllur në orën 21:15, pasi protestuesit u shpërndanë dhe rrugët e kryeqytetit u boshatisën. Në bulevardin "Dëshmorët e Kombit" është nisur pastrimi i gurëve dhe sendeve të tjera të forta të hedhura gjatë përplasjeve mes protestuesve dhe policisë. 13 persona janë lënduar gjatë protestës sotme, sipas Ministria e Shëndetësisë. Në Spitalin e Traumës janë paraqitur 9 të lënduar, nga të cilët 7 protestues dhe 2 gazetarë. Aktualisht, në Spitalin e Traumës ndodhen 4 të lënduar. Në spitalin "Nënë Tereza" janë mjekuar një protestues dhe një efektiv policie, të cilët tashmë janë larguar. Ndërsa në Poliklinikën nr. 2 janë paraqitur 2 efektivë me lëndime në sy, të cilët gjithashtu janë larguar pas marrjes së trajtimit.