Rama: Do ta shuajmë flamën e dhunës në Shqipëri

Kryeministri Edi Rama ka paralajmëruar një paketë të re ligjore kundër dhunës urbane, duke deklaruar se qeveria do të përballojë vendosmërisht personat që, sipas tij, nxisin dhe organizojnë akte dhune gjatë protestave.

“Edhe këtë flamë fatkeqësie natyrore do ta shuajmë me patjetër, nga njëra anë me vendosmëri përballë dhunuesve që nuk kanë asnjë shans t’i diktojnë Shqipërisë sallatën e prishur të një matufi që e ka katandisur PD-në në maskë dhune, të ekstremistëve Antifa dhe duarve të huaja që nuk e duan Shqipërinë në BE dhe që nxisin maskat që pretendojnë se përfaqësojnë studentët”, deklaroi Rama.