Nëna e Aleksandër Vuçiçit sulmohet në qendrën e votimit në Beograd

Nëna e Aleksandër Vuçiçit, Angelina Vuçiç, është sulmuar në qendrën e votimit në Beograd, menjëherë pasi kishte votuar në zgjedhjet parlamentare në Serbi. Sipas medias serbe "Informer", disa persona i janë afruar nënës së Vuçiçit dhe e kanë fyer. Raportohet se, gjatë incidentit personat në fjalë i kanë marre me forcë edhe qesen me ushqime që ajo mbante me vete. Ngjarja dyshohet të ketë ndodhur pak pasi Angelina Vuçiç kishte dalë nga qendra e votimit. "Informer" shkruan se rasti është denoncuar në polici, ndërsa kanë nisur hetimet për të sqaruar rrethanat e incidentit dhe identifikuar personat e përfshirë. Deri më tani, nuk ka një konfirmim zyrtar lidhur me ngjarjen.