Rama: "Ju jeni errësira që i mbylli atij djali dritën e syrit!"

Kryeministri Edi Rama ka reaguar përmes një postimi në platformën X lidhur me protestën e dhunshme dhe plagosjen e 28-vjeçarit nga Elbasani, Erjon Vishkulli, i cili është nisur drejt Italisë për trajtim të specializuar. Rama dënon dhunën dhe akuzon organizatorët e saj për nxitje të protestuesve, ndërsa thekson se është angazhuar personalisht për sigurimin e kurimit dhe transportit të të riut drejt Italisë. Ai paralajmëron se përgjegjësit për dhunën do të mbajnë përgjegjësi dhe se shqiptarët nuk do t’ua falin këto akte. Rama deklaroi se pjesëmarrja në protestat e dhunshme është e rrezikshme edhe për vetë dhunuesit dhe ata që rrinë rrotull tyre. Ai thekson se më vjen shumë keq kur kushdoqoftë lëndohet fizikisht, por pyet retorikisht: "Si mund të shmanget çdo lëndim i mundshëm nëse dhuna e dikton natyrën e një proteste?!" Rama akuzon nxitësit e dhunës për të keqpërdorur syrin e plagosur të djalit për të nxitur më tej dhunën dhe i kërkoi të prisnin dhe të shikonin se shqiptarët s’do t’ua falin.