Aksident në aksin Levan-Tepelenë: 'Audi' përplaset me murin mbrojtës, plagosen nënë e bijë

Një aksident rrugor ka ndodhur mesditën e sotme në aksin Levan-Tepelenë, në vendin e njohur si kthesa e Poçemit. Mësohet se një nënë dhe vajza e saj kanë mbetur të plagosura.

Sipas raportimeve, drejtuesi i një automjeti tip "Audi" dyshohet se ka humbur kontrollin e mjetit duke dalë nga rruga dhe është përplasur me murin mbrojtës anësor.

Dyshohet se lagështia në asfalt mund të ketë ndikuar në humbjen e kontrollit të mjetit, megjithëse shkaku i aksidentit mbetet ende i paqartë.

Si pasojë e përplasjes, janë lënduar dy persona, nëna dhe bija, të cilat pritet të marrin ndihmën e nevojshme mjekësore. Ende nuk ka informacion të detajuar për gjendjen e tyre shëndetësore, ndërsa rrethanat e plota të aksidentit mbeten për t'u sqaruar.