Manchester United pëson humbje të rëndë në “Old Trafford”, e ardhmja e Michael Carrick në dyshim

Manchester United ka pësuar një humbje të rëndë në një ndeshje kundër Bournemouth, duke shtuar presionin mbi trajnerin Michael Carrick. Rezultati i 0-3 në stadiumin "Old Trafford" ka çuar në diskutime të shpeshta për të ardhmen e Carrick si trajner i klubit.

Vendasit e Manchester United shfaqën probleme në organizimin e lojës, veçanërisht në mbrojtje, ndërsa në fazën sulmuese krijuan pak mundësi për të rrezikuar portën kundërshtare. Bournemouth kaloi në avantazh në minutën e 38-të, kur Rayan shfrytëzoi një hapësirë në zonën pas goditjes së dënimit të ekzekutuar nga Justin Kluivert dhe dërgoi topin në rrjetë.

Vetëm pesë minuta më vonë, miqtë dyfishuan rezultatin. Truffert përfiti nga një gabim i Yoro, fitoi topin dhe asistoi për Tavernier, i cili realizoi golin e dytë. Në minutën e 71-të, Evanilson shënoi edhe golin e tretë. Sulmuesi mori një pasim nga Cook, shmangu portierin Lammens dhe dërgoi topin në rrjetë me një goditje parabël, duke vulosur rezultatin 0-3.

Manchester United nuk arriti të ndryshonte rrjedhën e ndeshjes, ndërsa Bournemouth administroi avantazhin dhe siguroi fitoren. Pas ndeshjes, vëmendja u përqendrua te pozicioni i Michael Carrick. Ish-mbrojtësi i Liverpoolit dhe analisti sportiv Jamie Carragher kërkoi që drejtuesit e Manchester United të marrin një vendim të menjëhershëm për të ardhmen e trajnerit. Sipas tij, ndërprerja e bashkëpunimit do të ishte në interes të klubit dhe të vetë Carrick.