Studentët fitojnë zgjedhjet në Serbi, Lista Studentore merr 52.1% të votave

Studentët shkundën Vuçiç në zgjedhjet e jashtëzakonshme parlamentare në Serbi. Sipas të dhënave të publikuara nga organizata për monitorimin e zgjedhjeve, CeSID, Lista Studentore ka marrë 52.1% të votave, duke lënë pas listën "Aleksandar Vuçiç – Serbia e Bashkuar", e cila ka siguruar 39.3% të votave.

Edhe përllogaritja paraprake e mandateve tregon një epërsi të qartë të studentëve, të cilët pritet të kenë shumicën absolute në Parlamentin e ri të Serbisë. Lista Studentore parashikohet të marrë 138 mandate nga 250 vende gjithsej, ndërsa lista e Vuçiçit 104 mandate.

Këto rezultate vijnë pas deklaratacës së presidentit serb Aleksandar Vuçiç, i cili pranoi humbjen në zgjedhje, duke thënë se të dhënat paraprake tregonin një fitore të studentëve. Më herët, Vuçiç deklaroi se Lista Studentore pritej të siguronte nga 135 deri në 140 mandate, ndërsa forca e tij politike rreth 105 vende në Parlament.

Pas publikimit të rezultateve paraprake, qindra qytetarë dolën në rrugët e Beogradit për të festuar. Në kryeqytetin serb u ndezën flakadane dhe u degjuan boritë e automjeteve, ndërsa në shtabin e Listës Studentore kandidatët dhe mbështetësit brohoritën "Fitore".

Zgjedhjet e jashtëzakonshme parlamentare u zhvilluan të dielën, më 25 tetor, me pjesëmarrjen e 18 listave zgjedhore. Rezultatet e CeSID janë paraprake dhe mbeten për të u konfirmuar nga Komisioni Republikan Zgjedhor i Serbisë.