Ligji i ri për riparimin e mallrave: Fabrikuesit do të kenë detyrim për riparim

Ligji i ri "Për mbrojtjen e konsumatorit" do të vendosë detyrimin e tregtarëve për riparim të mallrave, duke përfshirë edhe në Shqipëri. Fabrikuesit do të duhet të riparojnë mallrat në rast se konsumatori kërkon riparim, falas ose kundër një tarife të arsyeshme dhe brenda një kohe të arsyeshme.

Riparimet duhet të kryhen falas ose kundër një tarife të arsyeshme dhe brenda një kohe të arsyeshme. Fabrikuesi mund të ofrojë konsumatorit huapërdorim të një malli zëvendësues, falas ose kundër një tarife të arsyeshme, deri në përfundimin e riparimit.

Në rastet kur riparimi është i pamundur, fabrikuesi mund të ofrojë konsumatorit një mall të rinovuar. Në rast se fabrikuesi i detyruar të riparojë mallin, ndodhet jashtë Bashkimit Evropian ose Republikës së Shqipërisë, detyrimi i tij duhet të përmbyshet përfaqësuesi i tij i autorizuar që ndodhet brenda këtij territori.

Në rast se fabrikuesi nuk ka përfaqësues të autorizuar brenda Bashkimit Europian ose Republikës së Shqipërisë, detyrimi i fabrikuesit duhet të përmbyshet importuesi i mallit. Në rast se nuk ka importues, detyrimi i fabrikuesit duhet të përmbyshet shpërndarësi (distributori) i mallit. Përfaqësuesi i autorizuar, importuesi dhe shpërndarësi mund ta nenkontraktojnë shërbimin e riparimit me qëllim përmbyshjen e detyrimit të riparimit.

Fabrikuesit, që prodhojnë pjesët e këmbimit dhe veglat që përdoren për mallrat duhet të ofrojnë këto kundër një çmimi të arsyeshëm që nuk pengon riparimin.

Fabrikuesit, përfaqësuesit e tyre të autorizuar, importuesit ose distributorët, që kanë detyrimin për të kryer riparimin, duhet të sigurojnë që konsumatorët të kenë akses pa pagesë dhe nëpërmjet një faqeje interneti në informacionin lidhur me çmimet orientuese të aplikueshme për riparimet tipike të mallrave.

Ligji i ri do të ndalojë përdorimin e kushteve kontraktore ose teknike hardware apo software që pengojnë riparimin e mallrave, përveçse kur përleshin nga faktorë legjitimë dhe objektivë, duke përfshirë mbrojtjen e të drejtave të pronësisë intelektuale, sipas legjislacionit të Bashkimit Europian dhe atij të brendshëm.

Në vëçanti, fabrikuesit nuk duhet të pengojnë riparuesit e pavarur të përdorin pjesë origjinale apo të përdorura këmbimi, pjesë të pajtueshme këmbimi dhe pjesë këmbimi të prodhuara me printim në 3D, kur këto pajtohen me kërkesat e legjislacionit të Bashkimit Europian apo të brendshëm, të tillë si kërkesat për sigurinë e produktit, ose pajtohen me të drejtat e pronësisë intelektuale.

Projektligji gjithashtu u ndalon fabrikuesve të refuzojnë riparimin e mallrave, me arsyetimin e vetëm sepse është kryer një riparim i mëparshëm nga riparuesi ose persona të tjerë.

Konsumatorët kanë të drejtë ta kërkojnë riparimin nga cilido riparues i zgjedhur prej tyre.

Këshilli i Ministrave do të miratojë masa inkurajuese për tregtarët dhe konsumatorët që nxisin riparimin e mallrave, përdorimin e pjesëve zëvendësuese dhe shërbimeve të riparimit, me qëllim zgjatjen e jetëgjatësisë së produkteve dhe reduktimin e mbetjeve.