Rama kërkon që socialistët të mbajnë qëndrimin përballë protestave në Tiranë

Gjatë mbledhjes së grupit parlamentar të Partisë Socialiste, kryeministri Edi Rama ka përcjellur porosi për qëndrimin që mazhoranca duhet të mbajë përballë protestave, duke theksuar se nuk do të lejojë vandalizimin e qytetit. Rama ka kërkuar që socialistët të mos përfshihen në përplasje dhe të mos zbresin në nivelin e kërkesave që ai i konsideron pa sens dhe të ulëta. Ai ka deklaruar se ligji për tubimet do të kalohet në Kuvend me procedurë të përshpejtuar dhe se buxheti do të bjerë në mbledhjen e qeverisë brenda kësaj javës.