VIDEO/ Ervin Hoxha bën paqe me kolegët demokratë

Deputeti socialist Ervin Hoxha duket se ka bërë “paqe” me kolegët demokratë pas përplasjeve fizik gjatë seancës plenare të javës së kaluar. Në pamjet e siguruara nga Top Channel, ish-ministri Ervin Hoxha është parë jashtë ambienteve të Kryesisë së Kuvendit duke biseduar me tre kolegë demokratë, Luçiano Boçin, Luan Baçin dhe Xhelal Mziun. Këta deputetë kanë qenë në qendër të përplasjes fizikë që pati mbrëmën e enjten të javës së kaluar. Tensionet u agravuan deri në përplasje fizike, pasi deputetët e opozitës donin që në seancë të flitej vetëm për protestat në kryeqytet. Ervin Hoxha pati përplasje fizike me deputetin e Partisë Demokratike në Korçë, Fidel Krekën, kur ky i fundit e shtyu dhe e goditi me kartonin e votimit.