3 sekrete që duhet t'u mësohen fëmijëve për të siguruar një të ardhme të mirë
Edukimi financiar është një nga dhuratat më të vlefshme që prindërit mund t'u lënë fëmijëve. Sipërmarrësja në financë dhe menaxhim, Ledia Fortuzi, shpjegon pse fëmijët duhet të mësojnë vlerën e parasë, rëndësinë e kursimit dhe përgjegjësinë që shoqëron çdo vendim financiar.
Fëmijët duhet të mësojnë që herët vlerën e parasë, rëndësinë e kursimit dhe përgjegjësinë që shoqëron çdo vendim financiar. Që në moshën pesëvjeçare, fëmijët mund të fillojnë të kuptojnë ndryshimin mes dëshirave dhe nevojave, ndërsa rreth moshës shtatëvjeçare nisin të formojnë zakone që mund të ndikojnë në marrëdhënien e tyre me paranë edhe në të ardhmen. Modeli i tri kavanozëve – kurse, investo dhe shpenzo me mençuri – mund t’i ndihmojë fëmijtë të kuptojnë se paratë nuk janë vetëm për t’u shpenzuar, por edhe për të ndërtuar synime. Një tjetër mënyrë është rregulli i 24 orëve: përpara se të blejnë diçka që dëshirojnë, fëmijët mësohen të presin dhe të mendojnë nëse blerja është vërtet e nevojshme. Kështu, ata fillojnë të shmangin vendimet impulsive dhe të kuptojnë vlerën e durimit.