Italia planifikon një valë të re protestash për 30 tetor
Protestat do të zhvillohen në qytetet kryesore të vendit, duke përfshirë Romë, Milano, Bolonja, Torino, Firence, Napoli dhe Palermo.
Italia po përgatitet për një valë të re protestash, të planifikuara për ditën e premte në kuadrën të grevës së përgjithshme të shpallur nga sindikata USB. Autoritetet e sigurisë kanë nisur punën për garantimin e rendit publik, ndërsa vëmendja është përqendruar te mobilizimet e pritshme në qytetet kryesore të vendit.
Nën sloganin "Ulni armët, rrisni pagat. Të bllokojmë gjithçka!", protestuesit do të dalin në rrugë kundër luftës dhe rritjes së kostos së jetës. Mobilizimi pret të bashkojë punonjëtarë, pensionistë, studentë, lëvizje për të drejtën e strehimit dhe grupe në mbështetje të Palestinës.
Më 30 tetor, greva do të prekë sektorët e ndryshëm, nga arsimi dhe shëndetësia deri te punonjësit e porteve. Manifestime janë paralajmëruar në Romë, Milano, Bolonja, Torino, Firence, Napoli dhe Palermo.
Sindikata USB ka bërë thirrje qytetarëve dhe kategorive të ndryshme shoqërore të bashkohen në një mobilizim të përbashkët, duke kërkuar kontrollin e çmimeve, rritjen e pagave dhe pensioneve, si dhe orientimin e shpenzimeve publike drejt shërbimeve sociale dhe jo armatimeve.