Studentët serbë thyen monopolin politik të Aleksandër Vuçiç

Në Serbi, studentët kanë arritur të thyen monopolin politik të Partisë Progresiste Serbe të udhëhequr nga Aleksandër Vuçiç. Kjo është një fitore e madhe për të rinjtë serbë, që kanë arritur të kundërshtojnë korrupsionin dhe neglizhencën qeveritare nëpërmjet protestave dhe bllokadave rrugore.

Zgjedhjet e së dielës u kthyen në një referendum për të ardhmen e Serbisë, dhe votuesit ishin euforikë dhe u mblodhën në qendrat e qyteteve për të njohur fitoren e studentëve. Studentët nuk kanë liderë dhe as eksperiencë politike, por grupimi i tyre tërhoqi votuesit anti-qeveritarë nga e gjithë shoqëria serbe.

Kandidati kryesor, kardiologu Ilija Srdanoviç, deklaroi se në vend po rishkruhej historia dhe se energjia e manifestuesve ishte e pandalshme. Ai tha se studentët ofronin qytetarëve vlerat bazë të një shoqërie të qytetëruar, të cilat regjimi i mëparshëm ua kishte marrë për herë të fundit.

Një gjë është e qartë, nuk do të jenë studentët që do të qeverisin dhe vetë Srdanoviç nuk para shihet si i përshtatshëm për kryeministër. Ata që shihen si liderë potencialë janë të paktë. Sipas një sondazhi, figurojnë ish-ylli i basketbollit Dejan Bodiroga, aktori Tihomir Staniç, këngëtari i operas Nikola Mikiç, ish-guvernatori i Bankës Kombëtare të Serbisë, Dejan Šoškić dhe një numër i madh profesorësh.

Emri i Šoškiç është lakuar shpesh herë sa i takon postit kryesor. Ai ka folur hapur për reformat që do të bënte në ekonomi dhe për këtë është kritikuar gjerësisht nga mediat pro-qeveritare. Por kushdo që të caktohet kryeministër do të ketë për detyrë përmbushjen e premtimeve elektorale. Përmes një programi 11-pikësh, Lëvizja Studentore synon të çrrënjosë korrupsionin, të largojë zyrtarët e Ministrisë së Brendshme dhe të reformojë sektorin mediatik të Serbisë.