Daullja e famshme e tifozëve norvegjez shitet për 124 mijë euro

Daullja që u bë simbol i këngës "Ro!" gjatë Botërorit u ble nga një biznesmen norvegjez, paratë e të cilit do të kalojnë për refugjatët. Blerësi është Knut Ugland, pronar i një kompanie transporti detar, i cili deklaroi se e bleu instrumentin për një kauzë humanitare. Të ardhurat do të dhurohen Këshillit Norvegjez për Refugjatët, për të mbështetur njerëzit e detyruar të largohen nga vendet e tyre.

Daullja u bë e famshme në mbarë botën për ritmin e njohur si "kanotazhi viking", që shoqëroi tifozët norvegjezë gjatë Botërorit në SHBA, Meksikë dhe Kanada. Ajo u përdor edhe nga Erling Haaland dhe Mbreti Haakon gjatë pritjes së ekipit kombëtar pas kthimit në Norvegji.

Ugland pranoi se nuk e kishte imagjinuar që çmimi do të arrinte një nivel kaq të lartë, por theksoi se rendesia ka që paratë do të shërbejnë për një kauzë të mirë. E konsideruar tashmë një pjesë e historisë së futbollit norvegjez, mbetet për të parë se cili do të jetë destinacioni i ardhshëm i daulles.