Shqiptarët fitojnë dy mandate në Serbi, Ministria e Jashtme: Përfaqësimi i tyre duhet të shërbejë për avancimin e të drejtave të shqiptarëve

Ministria e Jashtme e Shqipërisë ka reaguar pas zgjedhjeve parlamentare në Serbi, duke vlerësuar rezultatin e Listës Studentore dhe qytetarëve për pjesëmarrjen në procesin zgjedhor. Ajo ka theksuar rëndësinë e mbrojtjes së të drejtave të shqiptarëve në Serbi dhe ka bërë thirrje për normalizimin e marrëdhënieve me Kosovën dhe zbatimin e marrëveshjeve të arritura.

Shqipëria pret një angazhim konstruktiv në dialogun e ndërmjetësuar nga Bashkimi Evropian, respektimin dhe zbatimin e marrëveshjeve të arritura, si dhe hapa konkretë drejt marrëdhënieve të qëndrueshme fqinjësore. Ndryshimi politik duhet të krijojë mundësi të reja edhe për paqen dhe bashkëpunimin në rajon. Shqipëria mbetet e gatshme të bashkëpunojë me institucionet që do të dalin nga ky proces zgjedhor, mbi bazën e respektit të ndërsjellë, interesave të përbashkëta dhe angazhimit për një Ballkan Perëndimor më të qëndrueshëm, më të sigurt dhe të orientuar drejt së ardhmes europiane.