Ish-prokurori: Shkresa për protestuesit e mitur në komisariate, e mangët dhe jashtë realitetit

Ish-prokurori Eugen Beçaj analizoi urdhrin e dërguar komisariatëve të Tiranës dhe Krujës përmes një shkresë urgjente lidhur me veprimet policore ndaj të miturve në protestë.

Beçaj deklaroi në emisionin “Now” se urdhrin ka mangësi ligjore dhe proceduriale, ndërsa shtoi se është plotësisht jashtë realitetit pasi nuk ka reflektuar masat konkrete.

“Për atë urdhrë që ka nxjerrë Policia e Shtetit, është e mangët dhe totalisht jashtë realitetit. Kjo edhe për vetë faktin, se ndërsa ti nxjerr dhe evidenton problematikat gjatë protestës, duhet të nxjerrësh edhe masat konkrete që ke marrë. Duhet të shpjegosh të pakten në atë qarkore. Policia në këto raste është njësoj si zinxhiri komandues. Dhe e dyta dhe më kryesorja, është abuzimi total që përdoret sistemi MEMEX ose TIMS për të dhënë personave që janë në protestë”, tha Beçaj.