Fajësimi i të huajve për protestat, një strategji tipike e autokratëve

Gazetari gjerman Michael Martens ka deklaruar se fajësimi i faktorëve të huaj për protestat dhe pakënaqësia qytetare është një strategji tipike e liderëve autokratë për të shmangur përgjegjësinë për gabimet e tyre. Ai ka theksuar se protestat buronin nga pakënaqësia e qytetarëve dhe nuk mund të shpjegohen me pretendime për ndërhyrje të jashtme. Martens ka solli si shembull Serbinë, ku presidenti Aleksandër Vučić ka fajësuar vende të huaja për protestat kundër tij.

Martens ka thënë se ashtu si në Serbi, edhe në Shqipëri qytetarët janë ata që vendosin të kërkojnë ndryshim kur ndiejnë se pushteti nuk u përgjigjet me shqetësimet e tyre. Gazetari gjerman ka nxitur gjithashtu rëndësinë e shoqërive të forta demokratike, të cilat kanë mundësinë të ndryshojnë drejtimin politik të vendeve të tyre përmes zgjedhjeve dhe pjesëmarrjes qytetare.

Martens ka kundërshtuar deklaratat se protestat mund të jenë rezultat i ndërhyrjeve të huaja, duke theksuar se është vetë shoqëria ajo që vendos të kërkojë ndryshim kur pakënaqësia ndaj pushtetit arrin një pikë të caktuar. Ai ka përmendur se ka dy diktatura në Evropë, Bjellorusia dhe Rusia, si dhe Turqia, që është një sistem autokratik, dhe ka thënë se në qoftë se donim mund ta quanim dhe diktaturë, sepse futin në burg kundërshtarët politikë.

Por nga ana tjetër ka vende të vështira të cilat kanë mungesë të mëdha si Serbia, si Shqipëria, si Mali i Zi më përpara kur mbështetej Gjukanoviç. Megjithatë, ka shoqëri të cilat mund të sjellin një ndryshim dhe unë shpresoj që shoqëria të vazhdojë ta sjellë këto ndryshim në Evropë. Dhe në Evropë të vazhdojmë të kemi sisteme që edhe kur gjërat për disa vite mund të mos shkojnë mirë, shoqëritë janë të fuqishme demokratikisht dhe nëpërmjet zgjedhjeve të ndryshojnë fatet e tyre. Është loja tipike e një autokrati. Vučić tha se Kroacia ose Gjermania ose forcat e tjera janë mbrapa protestave kundër tij. Dhe kur e kam intervistuar një herë, i kam thënë: ‘A keni mundësinë që tani lexuesve të gazetësime t’u thoni se kush është mbrapa këtyre protestave? Unë nuk do t’ju ndërpresa, por do ta botoj përgjigjen tuaj. Më thoni konkretisht, kush qëndron mbrapa protestave ndaj jush?’.

Dhe në fakt nuk mora asnjë përgjigje. Sepse nuk ka asnjë institucion, nuk ka asnjë shërbim sekret që të jetë duke organizuar protestat në Beograd. Dhe do të ishte e palogjikshme të mendohej se institucione të jashtme mund të venë në lëvizje miliona serbë që të votojnë në këtë apo në atë drejtim. Janë vetë serbët të cilët vendosin se mjaft është mjaft... Dhe në shqip në fakt e di fjalën ‘mjaft’, sepse keni pasur dhe një organizatë të quajtur ‘Mjaft’ para shumë vitesh. Dhe kështu që njerëz vendosin që, tani mjafton, mjaft me kaq, dhe kjo nuk mund të instrumentalizohet nga të huajt.

Dhe tani populli shqiptar thotë të njëjtin gjë për institucionet e huaja. Por do të ishte qesharake ta thoshim këtë. Dhe nuk duhet të merret seriozisht, sepse vetë lëvizja ndodh prej popullit dhe fajësimi i forcave të errëta është tipike e atyre regjimeve të cilat nuk duan të pranojnë gabimet e tyre dhe duan të shpërqendrojnë vëmendjen.