Aksident në Fier, një grua e plagosur pranë Drejtorisë së Policisë

Një aksident rrugor është regjistruar mëngjesin e sotëm në qytetin e Fierit, pranë Drejtorisë së Policisë, ku një automjet ka përplasur një grua. Sipas informacioneve paraprake, një automjet i tipit "Volkswagen" ka goditur një grua në momentin që ajo po kalonte rrugën. Si pasojë e përplasjes, gruaja ka mbetur e lënduar dhe është transportuar me ambulancë drejt Spitalit Rajonal të Fierit për të marrë ndihmë të nevojshme mjekësore. Fatmirësisht, sipas të dhënave të para, ajo ndodhet jashtë rrezikut për jetë. Në vendngjarje kanë mbërritur shërbimet e policisë, të cilat po kryejnë veprimet hetimore për të përcaktuar shkaqet dhe rrethanat e aksidentit. Ngjarja ka shkaktuar gjithashtu rendim të qarkullimit të automjeteve në të dyja drejtimet e rrugës.