Arrestohet 31 vjeçari shqiptar në Muriqan për vjedhje me dhunë në Spanjë

Një shtetas shqiptar, 31 vjeçar, është arrestuar në Muriqan për vjedhje me dhunë në Spanjë. Ai është akuzuar në Spanjë dhe është kapur me qëllim ekstradimi.

Shërbimet e Policisë Kufitare Muriqan kanë kapur shtetasin shqiptar A. T. alias A. B. alias A. C., 31 vjeçar, banues në Mamurras. Ky shtetas ishte shpallur në kërkim ndërkombëtar nga Interpol Madridi, pasi Gjykata e Instruksionit nr. 4, Sabadell, Spanjë, me vendimin e datës 28.11.2025, i ka caktuar masën e sigurisë "Arrest në burg" për veprën penale "Vjedhja me dhunë".

31-vjeçari iu dorëzua shërbimeve të DVP Lezhë, të cilat kryen arrestimin e tij të përkohshëm, me qëllim ekstradimin në Spanjë. Interpol Tirana, në bashkëpunim me homologët në Spanjë, vijon procedurat për ekstradimin e tij.