Bashkimi i Prodhuesve Shqiptarë kundërshton ndryshimet fiskale pa konsultim me biznesin
Bashkimi i Prodhuesve Shqiptarë ka shprehur shqetësimin për ndryshimet fiskale që parashikohen për vitin 2027 dhe kundërshton ndryshimet që bëhen pa konsultim me komunitetin e biznesit.
Shoqata "Bashkimi i Prodhuesve Shqiptarë" ka shprehur shqetësimin për ndryshimet fiskale që parashikohen për vitin 2027 dhe kundërshton ndryshimet që bëhen pa konsultim me komunitetin e biznesit. Sipas informacionit paraprak, parashikohen vlerësimet e tatimeve të shtesë, përfshirja e 17 516 tatimpaguesve të rinj në skemën e TVSH-së dhe rritja e TVSH-së, e cila mund të ushtrojë presion mbi çmime ose marzhet e fitimit, duke rrezikuar kërkesën dhe konkurrencën, veçanërisht në turizëm.
Për bizneset e vogla që përfshihen në TVSH, shtohen detyrimet e deklarimit dhe administrimit, si dhe mund të rritet nevoja për likuiditet. Pa masa efektive kundër informalitetit, bolla shtesë mbi aktivitetin e deklaruar rrezikon të thellojë konkurrencën e pandershme.
Shoqata kërkon publikimin e propozimeve dhe analizave të ndikimit, konsultim të strukturuar me biznesin përpara miratimit dhe kohë të mjaftueshme për përshtatje. Zeri i sipërmarrjes duhet të degjohet përpara çdo vendimmarrjeje me karakter ekonomik.