Konflikti mes GJKKO-së dhe Dhomës së Avokatisë: Ilir Meta akuzon Kuvendin dhe Këshillin e Lartë Gjyqësor për heshtje

Ilir Meta ka reaguar përmes një postimi në Facebook lidhur me konfliktin mes GJKKO dhe Dhomës Kombëtare të Avokatisë, duke pretenduar se përplasja mes tyre po sjell zvarritje të proceseve gjyqësore dhe pasoja për qytetarët. Meta shprehet se situata cenon interesat e shtetit, zhvillimin e rregullt të proceseve ligjore dhe të drejtën e qytetarëve për mbrojtje efektive.

Meta ka kritikuar gjithashtu Kuvendin, duke thënë se prej dy muajsh nuk ka reaguar për këtë çështje. Ai ka përmendur edhe Këshillin e Lartë Gjyqësor, të cilin e akuzon për heshtje lidhur me situatën e krijuar.

Meta ka thënë se vazhdimi i konfliktit të qëllimshëm GJKKO e Shkallës së Parë me Dhomën Kombëtare të Avokatisë vazhdon të sjellë pasoja shumë të rënda me zvarritjen e proceseve gjyqësore, të cilat cënojnë, jo vetëm interesat e shtetit, por edhe vetë proceset e rregullta ligjore, si edhe cenojnë rëndë mbrojtjen efektive të qytetarëve të përfshirë në këto procese.

Meta ka përmendur edhe nismën ligjore të ndërmarrë nga Kryetari i Grupit Parlamentar të Partisë së Lirisë, Z. Tedi Blushi, në datë 14 tetor 2026, e cila u refuzua më datë 22 tetor 2026. Ai ka thënë se heshtja e Këshillit të Lartë Gjyqësor, prej dy muajsh, cënon rëndë besimin te institucionet, që kanë detyrë kushtetuese për administrimin e proceseve gjyqësore.

Meta ka konkluduar se heshtja dhe mosreagimi i çdo aktori institucional që ka përgjegjësitë e tij kushtetuese dhe ligjore, dëshmon qartë se kemi të bëjmë me një konflikt me regji politike në interes vetëm të Edi Ramës dhe organizatës që ai drejton.