Lili Sula: Rinia nuk tërhiqet, do ikë nga sheshet kur të rrezohet kryeministri Rama
Profesoresha Lili Sula ka kërkuar dorëheqjen e kryeministrit Edi Rama gjatë një proteste para Ministrisë së Arsimit, duke deklaruar se rinia nuk do të tërhiqet deri sa kryeministri të rrezohet.
Gjatë fjalës së saj, Sula deklaroi se studentët po përballen me presion nga qeveria, ndërsa theksoi se të rinjtë nuk do të largohen nga sheshet pa u përmblushur kërkesa e tyre për largimin e kryeministrit.
Ajo kritikoi gjithashtu propozimet e paralajmëruara nga Rama, duke i cilësuar si masa represive dhe duke pretenduar se disa prej rregullave të propozuara mund të kriminalizojnë edhe sjellje të zakonshme njerëzore.
Sipas profesoreshës, këto masa tregojnë dobësimin e qeverisjes, ndërsa ajo shprehu bindjen se protestat e të rinjve do të triumfojnë.
"Rinia nuk tërhiqet, do ikë nga sheshet kur të rrezohet kryeministri Rama. Propozimet e deklaruara nga kryeministri janë një terror kryeministror, me një sërë rregullash, që janë absurde. Ka dhe sjellje normale njerëzore, që kategorizohen si vepra penale. Regjimet e tillë shkojnë deri në grahmat e fundit. Masat represive deshmojnë se regjimi po rrokulliset," tha pedagogia.
Media që s’e dorëzon pavarësine e saj, i paraprine një qeverisje të ndershme. Pamfleti është një platformë mediatike analitike që u “lind” si domosdoshmëri e një tribune pa kompromis, si një zë i fuqishëm në luftën pa ekuivok ndaj krimit dhe korrupsionit politik në Shqipëri.