Carrick mbetet trajner i Manchester United-së, por fati i tij është ende i papritur

Michael Carrick do të jetë trajner i Manchester United-së për ndeshjen e ardhshme në Premier League kundër Chelsea-së, që do të luhet shtunën e ardhshme. Pavarësisht rezultateve zhgënjyese dhe krizës që ka përfshirë skuadrën, drejtuesit e klubit kanë vendosur të mos bëjnë një ndryshim menjëhershëm, duke i dhënë trajnerit një tjetër mundësi për të kthyer situatën në favor të "Djajve të Kuq".

Sipas mediave angleze, United ka regjistruar tetë ndeshje radhazi pa fitore dhe renditet në vendin e 16-të, një pozicion shumë larg pritshmërive të klubit. Humbja 3-0 ndaj Bournemouth e ka rënua edhe më shumë atmosferën, duke shtuar pikëpyetjet për të ardhmen e Carrick.

Trajneri u paraqit të martën në orën 07:30 në qendrën stërvitore të Carringtonit, ku drejtoi seancën e skuadrës pas pushimit të së hënës. Për momentin, fokusi është te përgatitjet për përballejen me Chelsea-n, ku United kërkon një reagim të menjëhershëm.

Megjithatë, drejtuesit po shqyrtojnë edhe emra të tjerë për stolin. Mes kandidatëve të përmendur janë Antonio Conte, Eddie Howe dhe Julian Nagelsmann. Në listën e trajnerëve të pëlqyer nga disa figura të klubit është edhe Unai Emery, por kontrata e tij me Aston Villan deri në vitin 2029 dhe kostoja e mundshme e largimit e bënë një marrëveshje të vështirë.

Një tjetër alternativë është Fabian Hürtzeler i Brightonit, por edhe në këtë rast, dëmshpërblimi që do të kërkonte klubi aktual për ta liruar trajnerin mund të përbëjë pengesë.

Për momentin, Carrick ruan postin, por ardhmja e tij mbetet e pasigurt. Ndeshja me Chelsea-n mund të jetë një provë e rëndësishme për të bindur drejtuesit se është ende njeriu i duhur për të nxjerrë Manchester United nga kriza.