Studentët e Mjekësisë i bashkohen tubimit para Ministrisë së Arsimit

Studentët e Mjekësisë kanë vazhduar marshimin e tyre në rrugët e kryeqytetit, duke u bashkuar me pjesën tjetër të studentëve të grumbulluar përpara Ministrisë së Arsimit. Protesta e sotme vjen pas njoftimit të bërë ditën e djeshme nga të rinjtë, të cilët priten të mblidhen të gjithë para Ministrisë së Arsimit për të kërkuar dorëheqjen e kryeministrit Edi Rama.

Ndërkohë, mëngjesin e sotëm, ashtu si dhe disa ditë më parë, kryeministri Rama ka përsëritur ftesën e tij për dialog, e cila deri më tani është refuzuar nga studentët. Protesta e sotme është dita e 15-të e protestave studentore, ku të rinjtë janë mbledhur sërish ditën e sotme në Rruga e Kavajës në Tiranë.