Bayerni prezanton fanellën speciale për Topin e Artë të Kane

Klubi gjerman Bayern Munich ka prezantuar një fanellë speciale për të festuar triumfin e sulmuesit Harry Kane në garën për Topin e Artë 2026. Elementi kryesor i fanellës është numri nëntë në ngjyrë të artë, i cili përmban një përmbledhje fotografish nga momentet më të rëndësishme të Kane me fanellën e Bayernit. Kjo fanellë vjen si një homazh për ndikimin e sulmuesit anglez te gjiganti bavarez, ku ai ka fituar trofe dhe ka vendosur rekorde që nga transferimi i tij në Mynih. Kane u bë lojtari i parë i Bayern Munichut që fiton Topin e Artë që nga viti 1981, kur këtë çmim e kishte fituar legjenda e klubit, Karl-Heinz Rummenigge. Me këtë rast, klubi synon të përkujtojë një moment të rëndësishëm në historinë e tij, ndërsa fanella speciale tashmë është në dispozicion për tifozët në dyqanin zyrtar online të Bayernit.