Hakerët sulmojnë email-et e politikanëve Italian

Sistemi i email-eve të Dhomës së Deputetëve në Itali është hakeruar dhe mesazhet e të paktën tre politikanëve janë lexuar. Ekspertët e Agjencisë Kombëtare për Sigurinë Kibernetike janë duke punuar në Montecitorio për të siguruar sistemin dhe për të zbuluar origjinën e sulmit. Sipas ekspertëve, mënyra se si është kryer ndërhyrja dhe zgjedhja e personave të prekur ngrenë dyshime për një sulm të synuar. Megjithatë, email-i zyrtar i Melonit në Kryeministri besohet se nuk është prekur, pasi mbrohet nga sisteme më të avancuara sigurie. Hetuesit po shqyrtojnë edhe mundësinë që sulmi të jetë pjesë e një strategjie të luftës hibride, e cila ka shënjestruar më parë edhe sistemet informatike të parlamenteve të tjera evropiane. Nëntohtësit e Dhomës deklarojnë se sistemi ka qëndruar funksional dhe se verifikimet vijojnë. Sipas institucioneve, janë marrë masa mbrojtëse në bashkëpunim me Agjencinë Kombëtare për Sigurinë Kibernetike.