Bayern Munich nxjerr në treg një fanelë speciale për Harry Kane
Klubi gjerman Bayern Munich ka nxjerrë në treg një fanelë speciale për sulmuesin anglez Harry Kane, me numrin 9 të artë dhe fotografi të tij brenda numrit.
Bayern Munich nuk ka humbur kohë për të festuar triumfin e Harry Kane në 'Topin e Artë' 2026. Klubi bavarez ka prezantuar një fanelë speciale për sulmuesin anglez, duke e kthyer çmimin individual në një produkt të ri për tifozët. Fanela e veçantë, quajtur 'Kane Ballon d'Or', mban emrin e sulmuesit dhe numrin 9 në ngjyrë ari. Brenda numrit janë vendosur disa fotografi të Kane, në një dizajn të krijuar posaçërisht për të përkuajtuar fitimin e trofeut me të rendesishëm individual në futboll. Sipas raportimit të medias franceze, ky version kushton 5 euro më shumë se fanela me personalizimin standard. Një nismë të ngjashme kishte ndërmarrë edhe Real Madridi në vitin 2022, kur Karim Benzema fitoi 'Topin e Artë'. Suksesi i Kane shënoin një moment të rendesishëm edhe për historinë e Bayern Munich, pasi sulmuesi anglez bëhet lojtari i parë i klubit që fiton çmimin që nga Karl-Heinz Rummenigge, i cili e fitoi për herë të fundit në vitin 1981. Ai është gjithashtu anglezi i parë që e fiton trofeun që nga Michael Owen, në vitin 2001. Për momentin, nuk ka të dhënë nëse fanella speciale do të përdoret ndonjëherë nga Kane në një ndeshje zyrtare. Ajo është prezantuar si një artikull për tifozët, për të përkuajtuar triumfin e sulmuesit në ceremoninë e zhvilluar në Londër.