Apple zëvendëson falas iPhone Duo me defekte në ekran

Kompania Apple ka konfirmuar se është në dijeni të defekteve dhe ka kërkuar përdoruesve të prekur të kontaktojnë shërbimin e saj për të përfituar zëvendësimin e pajisjes. Sipas raportimeve nga mediat e huaja, ankesat e para u shfaqën në rrjetet sociale, ku përdoruesit raportuan vija vertikale në ekran, çarje pranë menteshës qendrore dhe zhurma të pazakontë gjatë hapjes së telefonit. iPhone Duo ka një ekran të brendshëm 7.6 inç dhe një mekanizëm të ndërlikuar palosjeje, që përben një nga sfidat kryesore teknologjike të këtij modeli. Me një çmim fillestar prej 2,399 eurosh në tregun grek, pajisja është ndër telefonat më të shtrenjta të prodhuar nga Apple, duke rritur pritshmëritë e konsumatorëve për cilësinë dhe qëndrueshmërinë e saj.