Balla ironizon PD-në: “Depo e molotovëve” kundër traditës për zgjedhjet 2027

Kreu i Grupit Parlamentar të Partisë Socialiste, Taulant Balla, ka konfirmuar prezencën në konsultimet me Presidentin e Republikës, Bajram Begaj, lidhur me caktimin e një date për zgjedhjet vendore 2027. Përmes një postimi në rrjetet sociale, Balla shprehet se me nota ironie për shpërfilljen e ftesës nga Partia Demokratike. Sipas Ballës, demokratët duhet të thërrasin arsyes dhe të mos bojkotojnë këtë proces parazgjedhor. “Çdo President i Republikës ka bërë të njëjtin procedurë, duke ftuar partitë politike për konsultimin e datës së zgjedhjeve. Por sot “depoja e molotovëve”-SHQUP qenka shprehur kundër kësaj tradite. Uroj që të thërrasin arsyes dhe të marrin pjesë në ZGJEDHJET VENDORE diku mes 15 Prill - 15 Majit 2027. Të kundërtën e kanë provuar në forma të ndryshme me bojkot, me vulë, pa vulë etj. Partia Socialiste konfirmon prezencën në konsultime me Presidentin e Republikës zotin Bajram Begaj mbi datën e zgjedhjeve vendore 2027.”, shkruan Balla.