Berisha: Jam 100 herë më i aftë për drejtimin e PD-së

Kryetari i Partisë Demokratike, Sali Berisha, foli sot për vitet e tij në krye të partisë së madhe opozitare në vend. Në një intervistë për "Klan News", Berisha tha se nuk konstaton asnjë problem pamundësie për shkak të moshës në ushtrimin e detyrës së tij si kryetar i PD-së.

Berisha e cilësoi veten si 100 herë më i aftë sesa në vitet e para në politikë, kur sapo kishte lënë punën si kardiolog. "Në momentin e parë që Sali Berisha konstaton se ka një problem pamundësie minimale për shkak të viteve, nuk ka asnjë mendëshje në vendimin e tij për të thënë 'mirupafshim'. Sot pas kaq shumë vitesh, në krye të PD-së, jam të pakten 100 herë më i aftë në drejtimin e saj, në vlerësimin e zhvillimeve të situatave sesa kur isha kardiolog dhe pastaj politikan fillestar në pak ditë apo pak javë", tha Berisha.