PD refuzon ftesën e Begaj për konsultimet mbi zgjedhjet vendore, Balla: Uroj t’i thërrasin arsyes
Kreu i Grupit Parlamentar të Partisë Socialiste, Taulant Balla ka reaguar pas vendimit të Partisë Demokratike për të mos marrë pjesë në konsultimet e thirrura nga Bajram Begaj për caktimin e datës së zgjedhjeve vendore të vitit 2027.
Taulant Balla ka theksuar se konsultimet me partitë politike janë një procedurë e ndjekur nga presidentët e Republikës përpara përcaktimit të datës së zgjedhjeve. Ai ka shprehur shpresën që Partia Demokratike të ndryshojë qëndrimin dhe të marrë pjesë në këto procese. Balla ka ironizuar qëndrimin e opozitës, duke e cilësuar selinë e PD-së si depoja e molotovëve dhe duke kujtuar bojkotet e mëparshme të demokratëve në proceset politike dhe zgjedhore. Ai ka thënë se çdo President i Republikës ka bërë të njëjtin procedurë, duke ftuar partitë politike për konsultimin e datës së zgjedhjeve. Balla ka thënë se Partia Socialiste konfirmon prezencën në konsultime me Presidentin e Republikës, zotin Bajram Begaj, mbi datën e zgjedhjeve vendore 2027.