Zgjedhjet në Izrael: Exit-poll, Eisenkot merr avantazhin ndaj Netanyahut

Zgjedhjet parlamentare në Izrael janë në vazhdim, dhe exit-poll-et tregojnë një garë të ngushtë mes kryeministrit Benjamin Netanyahu dhe rivalit të tij, Gadi Eisenkot. Sipas rezultateve paraprake, partia e Netanyahut pritet të sigurojë 50 mandate, ndërsa kampi i Eisenkotit renditet me 52 mandate. Ndërkohë, 18 vende parashikohet të shkojnë për partitë izraelito-palestineze.

Meqënësore për të siguruar shumicën parlamentare nevojiten 61 mandate, shifrat paraprake nuk i japin asnjërit prej dy blloqeve politike numrat e mjaftueshëm për të formuar vetëm qeverinë. Kjo e bën të rëndësishëm rolin e partive të tjera në negociatat e mundshme për krijimin e shumicës së re qeverisëse.

Procesi zgjedhor është shoqëruar edhe me pjesëmarrje të lartë. Sipas Komisionit Qendror të Zgjedhjeve, deri në orën 20:00 sipas orëve lokale, pjesëmarrja kishte arritur në 74.3%, duke tejkaluar pjesëmarrjen e përgjithshme prej 70.6% të regjistruar në zgjedhjet e vitit 2022.

Pak para mbylljes së qendrave të votimit, autoritetet hodhën poshtë kërkesën e partisë Likud të Netanyahut për zgjatjen e orarit të votimit. Megjithatë, rezultatet e exit-poll-eve mbeten paraprake dhe nuk përbejnë rezultatin përfundimtar të zgjedhjeve. Numërimi zyrtar do të percaktojë shpërndarjen e mandateve dhe mundësinë e secilit kamp për të siguruar mbështetjen e nevojshme për formimin e qeverisë së ardhshme.