Sondazhet e votimit në Izrael: Blloku i Netanyahun mbetet i pasigurt për shumicën

Sondazhet e para pas mbylljes së votimit në Izrael tregojnë se asnjëri nga dy blloqet kryesore politike nuk ka siguruar shumicën e 61 mandate për të formuar qeverinë. Sipas tre sondazheve të publikuar nga televizionet kryesore izraelite, KAN 11, Channel 12 dhe Channel 13, partia Likud e kryeministrit Benjamin Netanyahu është forca më e madhe politike, por blloku i partive që mbështesin Netanyahun projektohet të marrë vetëm 50 nga 120 vendet e Knessetit.

Në kundërshtim, blloku i udhëhequr nga Gadi Eisenkot projektohet të sigurojë 52 deri në 53 mandate, ndërsa partitë arabe marrin se bashku 17 deri në 18 vende. Rezultatet e sondazheve tregojnë një konfigurim parlamentar në të cilin asnjëri prej dy blloqeve kryesore nuk arrin vetëm shumicën qeverisëse.

Partitë arabe mund të kenë rol të rendësishëm në negociatat pas zgjedhore, por mbështetja e tyre për një qeveri të mundshme nuk është automatike dhe do të varet nga qëndrimet politike dhe marrëveshjet ndërmjet partive. Pjesëmarrja në votime arriti në 74,3 për qind deri në orën 20:00, sipas dhënave të paraqitura gjatë natës zgjedhore, duke shënuar një rritje prej tetë pikësh për qindje krahasuar me vitin 2022. Rezultatet e sondazheve pas votimit nuk janë përfundimtare dhe numërimi zyrtar i votave do të percaktojë shpërndarjen e mandateve dhe mundësitë për formimin e qeverisë së ardhshme.