Trump rikthen skenarin e vitit 2020 për zgjedhjet e nëntorit

Presidenti amerikan Donald Trump ka lënë të kuptohet se mund të mos e pranojë rezultatin e një procesi zgjedhor. Deklaratat e tij duhen marrë seriozisht, pasi historia e tij politike tregon një model të përsëritur: për muaj të tërë, ai vë në dyshim besueshmërinë e sistemit zgjedhor dhe integritetin e zyrtarëve që administrojnë votimin, ndërsa sugjeron se demokratët mund të manipulojnë rezultatin.

Më pas, Trump shfrytëzon klimën e mosbesimit që ka krijuar, duke hedhur dyshime mbi drejtësinë e zgjedhjeve edhe para se votat të numërohen. Një javë para zgjedhjeve afatmesme në SHBA, skenari duket si një përsëritje e historisë. I pyetur të nese do ta pranonte rezultatin e zgjedhjeve, pavarësisht se si do të përfundonin ato, Trump u përgjigj me një rezervë që ka shkaktuar shqetësim, veçanërisht duke pasur parasysh qëndrimin e tij pas zgjedhjeve të vitit 2020.

"Do ta pranoj, nëse janë zgjedhje të ndershme," deklaroi presidenti amerikan. Përtej paqartësisë së përgjigjes, shqetësimi kryesor është se Trump paraqet veten si arbitrin përfundimtar të ndershmërisë së procesit zgjedhor. Kur humbi zgjedhjet presidenciale të vitit 2020, ai pretendoi në mënyrë të rreme se kishte pasur mashtrime të përhapa, pavarësisht se zyrtarët republikanë, gjykata dhe vetë Departamenti i Drejtësisë nuk gjetën prova që mbështesnin pretendimet e tij për manipulim në shkallë të gjerë.

Përpjekjet për të ndikuar në zgjedhjet Shqetësimet për deklaratat e fundit të Trump shtohen nga veprimet e administratës së tij gjatë këtij viti. Presidenti ka mbështetur përpjekje për të ndryshuar hartat zgjedhore në favor të republikanëve, përfshirë nismën për rishpërndarjen e zonave elektorale në Teksas dhe shtete të tjera.

Ai gjithashtu ka kërkuar nga Kongresi miratimin e një ligji për regjistrimin e votuesve dhe identifikimin e tyre, propozim që kritikët thonë se mund të vështirësojë votimin për miliona qytetarë. Një tjetër rast që ka tërhequr vëmendjen lidhet me zgjedhjet për Senatin amerikan në Alaskë. Trump ka urdhëruar Departamentin e Drejtësisë të ndërmarë veprime ligjore për të bllokuar certifikimin e rezultatit nëse senatori republikan Dan Sullivan humbet garën, megjithëse Kushtetuta amerikane nuk i jep presidentit kompetencë për të administruar zgjedhjet shtetërore.

Trump pretendon se kandidatura e një personi tjetër me emrin Daniel J. Sullivan mund të krijojë konfuzion te votuesit dhe se kjo është pjesë e një komploti i demokratëve. Megjithatë, Gjykata e Lartë e Alaskës ka vendosur se kandidati tjetër ka të drejtën të marrë pjesë në zgjedhje.

Ndërkohë, Departamenti i Drejtësisë ka kërkuar nga Kalifornia identifikimin e personave që dyshohet se nuk janë shtetas amerikanë, si dhe vërtetimin e fletëvotimeve të tyre me postë. Administrata paralajmëroi se zyrtarët që numërojnë me vetëdije votat e personave që nuk kanë shtetësi mund të përballohen me përgjegjësi penale.

Megjithatë, një gjykatë federale e apelit e bllokoi këto nismë të Departamentit të Drejtësisë. Në Alaskë, demokratja Mary Peltola ka kërkuar nga një gjykatë që ta rrezojë ndërhyrjen e administratës para ditës së zgjedhjeve. Këto zhvillime kanë ngritur mundësinë e një përpjekjeje të gjatë ligjore pas votimit, veçanërisht nëse rezultati është i ngushtë.

Pse deklaratat e Trump janë veçanërisht shqetësuese? Kujtimi i ngjarjeve të 6 janarit 2021, një prej episodeve më të rëndë të historisë së fundit politike amerikane, i jep një peshë të veçantë retorikës së Trump për zgjedhjet.