Lufta kundër Iranit i kushton SHBA-së mbi 47 miliardë dollarë

Lufta kundër Iranit ka arritur një shifër të rëndësishme në këto ditë, pasi kostoja e luftës së Shteteve të Bashkuara ka arritur në 47.1 miliardë dollarë deri më 16 tetor. Shifra është bërë e ditur përmes dëneve që Pentagoni i ka dorëzuar Kongresit amerikan javës së kaluar.

Sipas gazetës amerikane The New York Times, mbi 60% e kësaj shume është shpenzuar për bomba, raketa dhe lloje të tjera municione që janë përdorur gjatë konfliktit. Informacionet janë siguruar nga burime pranë Kongresit, të cilat kanë pasur akses në raportin financiar të Pentagonit.

Ndërkohë, ndarja e kostove midis forcave ushtarake tregon se Forcat Ajrore të SHBA-së kanë shpenzuar rreth 7.6 miliardë dollarë, ndërsa Marina amerikane ka regjistruar shpenzime prej 1.5 miliardë dollarësh. Ndërkohë, Ushtria amerikane ka përdorur afro 2.1 miliardë dollarë për të mbështetur praninë dhe dislokimin e trupave në rajon.

Megjithatë, shuma totale prej 47.1 miliardë dollarësh nuk pasqyron të gjitha shpenzimet e lidhura me konfliktin. Në këtë përllogaritje nuk janë përfshirë plotësisht kostot për riparimin e bazave ushtarake amerikane në Lindjen e Mesme, të dëmtuara nga sulmet iraniane me raketa dhe drone.

Për këtë arsye, kostoja përfundimtare e luftës mund të tejkalojë vlerësimin aktual. Të dhënat e fundit tregojnë një rritje prej rreth 3.5 miliardë dollarësh krahasuar me muajin shtator, kur shpenzimet vlerësoheshin në 43.6 miliardë dollarë.

Ndërkohë, sipas përllogaritjeve të Zyrës së Buxhetit të Kongresit amerikan, vazhdimi i operacioneve ushtarake dhe nevoja për të zëvendësuar municionet e përdorura mund të kushtojnë Uashingtonit edhe 2 deri në 3 miliardë dollarë shtesë çdo muaj.