Macron dhe Erdogan bisedë telefonike, diskutojnë marrëdhëniet dypalëshe dhe zgjedhjen e kreut të ri të OKB-së

Presidenti francez Emmanuel Macron zhvilloi një bisedë telefonike me presidentin turk Recep Tayyip Erdogan. Sipas mediave vendase, të dy udhëheqësit diskutuan marrëdhëniet midis Turqisë dhe Francës, si dhe çështjet rajonale dhe ndërkombëtare. Gjatë komunikimit, i cili përfshinte edhe një vlerësim të procesit të përzgjedhjes për Sekretarin e ri të Përgjithshëm të Kombeve të Bashkuara, Erdogan deklaroi se personi i ri duhet të ketë vizionin dhe përvojën për të zbatuar në mënyrë efektive reformat e nevojshme. Erdogan e ftoi gjithashtu presidentin francez në Samitin e Liderëve COP31 që do të mbahet në Turqi. Nga ana tjetër, Emmanuel Macron e uroi Presidentin Erdogan për Ditën e Republikës.