Shpërthim me lëndë plasëse në Tiranë, dëmtohen dy automjete

Një shpërthim me lëndë plasëse është regjistruar gjatë natës në rrugën “Lidhja e Prizrenit”, në oborrin e banesës së një 56-vjeçari. Sipas njoftimit të Policisë, ngjarja ka ndodhur rreth orës 01:15, kur dyshohet se ka shpërthyer një sasi lënde plasëse në oborrin e banesës së shtetasit me inicialet Sokol Ndreu. Si pasojë e shpërthimit, janë dëmtuar dy automjete që ishin të parkuara në oborrin e banesës. Policja po punon për zbardhjen e rrethanave të ngjarjes, si dhe për identifikimin dhe kapjen e personave përgjegjës.