Taylor Swift nderuar në Sallën e Famës së Kantautorëve të Nashville-it

Këngëtarja e njohur Taylor Swift është nderuar në Sallën e Famës së Kantautorëve të Nashville-it, një çmim i njohur në industriën e muzikës country. Ajo është një nga këngëtarët më të njohur në botë dhe ka fituar 14 çmime Grammy në karrierën e saj.

Ajo u nderua gjatë ceremonisë gala të zhvilluar të hënën, së bashku me Lyle Lovett, Shawn Camp, Lee Thomas Miller, Bruce Channel dhe J.I. Allison. "E dija që kur shkrova këngën time të pare se, edhe nëse shkrimi i këngëve nuk do të bëhej karriera ime, do të ishte pasioni im", tha Swift, duke kujtuar vitet e para në Nashville dhe bashkëpunimet që ndihmuan në formimin e saj si kantautore.

Ajo theksoi se bazat e mësuara në Nashville i dhanë mundësinë të kalonte nga muzika country në zhanre të tjera. Këngëtarja u prezantua nga Brad Paisley, i cili e cilësoi si "zërin e një brezi", ndërsa Lainey Elison interpretoi një version bluegrass të hitit të saj Love Story.

Ndërkohë, u nderua edhe George Strait, i njohur si "Mbreti i Muzikës Country", me çmimin Career Maker Award, për kontributin e tij në suksesin e këngëve të shkruara nga autorë të tjerë. Strait falenderoi kantautorët që e ndihmuan gjatë karrierës, duke thënë: "Ata e ndërtuan karrierën time. Unë nuk ua ndërtova atyre karrierën".