Trump paralajmëron një takim të afërt mes Putinit dhe Zelenskyt për negociatat për paqen

Presidenti amerikan Donald Trump ka shprehur optimizëm për përpjekjet diplomatike për të përfunduar luftën në Ukrainë, duke njoftuar mundësinë e një takimi të afërt mes presidentit rus Vladimir Putin dhe presidenti ukrainas Volodymyr Zelensky. Megjithëse ai nuk ka dhënë hollësi për formatin dhe vendin e takimit, Trump deklaroi se negociatat për përfundimin e konfliktit po shënojnë përparim.

"Po bëjmë shumë përparim për çështjen Rusi-Ukrainë. Shumë shpejt do të organizohet një takim me presidentin Putin dhe presidentin Zelensky", deklaroi Trump. Presidenti amerikan nuk ka sqaruar nëse bëhet fjalë për një takim të drejtpërdrejtë mes dy liderëve, për një takim trepalësh me pjesëmarrjen e tij apo për bisedime të vëçanta që do të zhvillojnë përfaqësuesit amerikanë me palët ruse dhe ukrainase.

Ndërkohë, i dërguari special amerikan Steve Witkoff dhe Jared Kushner vijojnë përpjekjet për të koordinuar qëndrimet me Moskën dhe Kievin, në kuadër të nismave diplomatike të Uashingtonit. Autoritetet ruse dhe ukrainase nuk kanë reaguar ende ndaj deklaratazës së fundit të Trump.

Më herët, presidenti ukrainas Volodymyr Zelensky kishte deklaruar se një takim trepalësh mes Ukrainës, Shteteve të Bashkuara dhe Rusisë mund të zhvillohej në nëntor, me synimin për të rifilluar negociatat e paqes. Zelensky ka theksuar se çështjet territoriale, të cilat mbeten nën temat më të vështira të negociatave, duhet të diskutohen drejtpërdrejtë në nivelin e udhëheqësve shtetërorë.

Nga ana tjetër, Kremlini ka përmendur mundësinë e organizimit të një takimi trepalësh në Abu Dhabi në nëntor. Megjithatë, zëdhënësi i Kremlinit, Dmitry Peskov, ka deklaruar më parë se një takim i drejtpërdrejtë mes Putinit dhe Zelenskyt duhet të zhvillohet në Moskë.