Vetëm 16,2% e kompanive me CEO të identifikueshme drejtohen nga një grua, kampione bankat
Raporti i WOB-AL 2026 tregon se vetëm 16,2% e kompanive me CEO të identifikueshme drejtohen nga një grua, ndërsa 72,3% e tyre janë të identifikueshme dhe vetëm 31% e kompanive publikojnë të dhëna të verifikueshme mbi përbërjen e organeve të tyre drejtuese.
Në një periudhë turbulence, tensionesh dhe ndryshimesh dinamike socio-ekonomike, aftësia e shteteve për të garantuar qëndrueshmërinë, besimin publik dhe lidershipin maturuar merr një pesë të rëndësishme për ekonomiën e vendit. Në këtë kontekst, Women on Boards Albania (WOB-AL) ka publikuar Raportin Bazë të Indeksit WOB-AL 2026, i cili vlerëson përfaqësimin gjinor dhe qeverisjen e korporatave në Shqipëri dhe zhvilloi një tryezë politike konsultative me 20 pjesëmarrës të lartë institucional dhe të biznesit për të diskutuar rekomandimet e tyre.
Nga 282 kompanitë më të vlerësuara në vend, rezultatet deshmojnë një nevojë urgjente për modernizimin e mënyrës se si drejtohet dhe raportohet biznesi. Vetëm 31% e kompanive publikojnë të dhëna të verifikueshme mbi përbërjen e organeve të tyre drejtuese. Gjinia e drejtorit ekzekutiv (CEO) u identifikua për 72,3% të tyre, dhe vetëm 16,2% e kompanive me CEO të identifikueshme drejtohen nga një grua. Sektori bankar deshmon nivelin më të lartë të transparencës rregullatore, me 9 banka që publikojnë të dhëna për bordin, me plotësi mesatare të të dhënave prej 21,1%.
Mes 87 kompanive që publikojnë të dhëna për bordin, gratë mbajnë 28,2% të vendeve mbikëqyrëse/jo-ekzekutive dhe 34,2% të vendeve ekzekutive. Indeksi mat transparencën publike dhe nuk vlerëson ende cilësinë e brendshme të qeverisjes; kur nuk ekziston informacion publik, treguesi vlerësohet me zero për të garantuar krahasueshmërinë. Si rrjedhojë e boshllëkut në infrastrukturën e raportimit, 280 kompani ndodhen aktualisht në nivelin Alert dhe dy në nivelin Baseline.
Ky rezultat nuk përben një gjykim mbi suksesin operativ të kompanive individuale, por pasqyron domosdoshmërinë që tregu shqiptar të kapërcejë kulturën e mbyllur dhe të ndërtojë mekanizma llogaridhënies që mbrojnë biznesin përballë goditjeve të jashtme. Albana Vrioni, Drejtoresha Ekzekutive e WOB-AL, theksoi se në periudhën e pasigurisë dhe zhvillimeve të vrullshme, qeverisja korporative nuk është një ushtrim formal burokratik, por amortizatori kryesor që mbrohë biznesin dhe ruajë besimin e tregut.