Presidenti Begaj: Shqipëria në solidaritet me Spanjën pas aksidentit tragjik hekurudhor

Presidenti i Shqipërisë, Bajram Begaj, ka reaguar pas aksidentit tragjik hekurudhor në Spanjë, ku të paktën 68 persona kanë humbur jetën. Përmes një mesazhi në rrjetin social X, Begaj u ka shprehur ngushëllimet familjeve të viktimave dhe popullit spanjoll, ndërsa të lënduarve u ka uruar shërim të shpejtë dhe të plotë. Ai theksoi gjithashtu solidaritetin e Shqipërisë me Spanjën në këtë moment të vështirë. "Ngushëllime familjeve të viktimave të aksidentit tragjik hekurudhor dhe të gjithë popullit spanjoll. U uroj të gjithë të lënduarve shërim të shpejtë dhe të plotë. Shqipëria është në solidaritet të plotë me Spanjën gjatë kësaj kohe të vështirë", ka shkruar Begaj në X.