Protesta në Prishtinë për vrasjen e Arlinda Zekajt: Familjarët kërkojnë drejtësi

Sot në Prishtinë është mbajtur një protestë kundër dhunës dhe vrasjes së grave, e organizuar nga Kolektivi për Mendim dhe Veprim Feminist, pas vrasjes së Arlinda Zekajt në fshatin Vitomiricë të Pejës. Nën moton "Vrasja e grave duhet të trajtohet si urgjencë kombëtare", pjesëmarrësit kërkuan reagim institucional dhe masa konkrete për parandalimin e dhunës ndaj grave. Protesta u bashkua edhe familjaret e Arlinda Zekajt, duke mbështetur thirrjet për drejtësi dhe për trajtimin me prioritet të rasteve të dhunës dhe vrasjeve të grave. Ndërkohë, pas tri ditësh në arrati, Policia e Kosovës ka arrestuar Albert Sylajin, i dyshuar për vrasjen e ish-kunatës së tij, Arlinda Zekaj, më 25 tetor në fshatin Vitomiricë të Pejës. Sylaj u arrestua pas një aksioni policor në zonën e Deçanit, pasi ishte lokalizuar në zonën malore të Becit, në Gjakovë. Në operacionin për kapjen e tij morën pjesë disa njësia të Policisë së Kosovës, përfshirë edhe njësinë speciale FIT. Rasti i Arlinda Zekajt ka nxitur reagime dhe mobilizim kundër dhunës ndaj grave, ndërsa përmes protestës në kryeqytet u kërkua që institucionet t'i trajtojnë vrasjet e grave si urgjencë kombëtare.