Avokati Ndreca ngre shqetësimin për Veliaj: "Vendosur në qeli izolimi, pa dritare dhe kushte normale"

Avokati Plarent Ndreca u shpreh në një lidhje live me emisionin "Breaking me Jetona Koçibellin" për të komentuar transferimin e Erion Veliajit në paraburgimin e Fierit. Ai deklaroi se nuk u është vënë në dispozicion asnjë akt mbi bazën e të cilit është bërë transformimi i Veliajit. Ndreca tha se ky fakt tregon minimalisht mungesë transparence dhe maksimalisht një shkelje e rëndë të të drejtave të zotit Veliaj.

Ndreca tha se Veliaji ka të gjithë të drejtën ligjore dhe kushtetuese për t'u njohur me aktin mbi bazë të cilit ai transferohet, shkaqet ku është bazuar Drejtoria e Përgjithshme e Burgjeve për të bërë këtë transferim, për sa kohë që Veliaj nuk ka shprehur asnjë shqetësim dhe konsensus për këtë lloj transferimi.

Ndreca ishte rrugës për në burgun e Fierit, pasi kishte marrë informacione se Veliaj ishte vendosur në një qeli izolimi. Ai tha se sipas informacioneve, rezulton se zoti Veliaj është vendosur në një qeli izolimi, pa dritare, pa kushte normale për të paraburgosurit, megjithatë nuk e konfirmoj dot dhe për këtë arsye jam nisur për të verifikuar këtë fakt. Ndreca do përpiqej ta takoj dhe të shikoj se çfarë kushtesh i kanë vënë në dispozicion autoritetet e burgut të Fierit.